शुभ विजया दशमी २०८३ सालको हार्दिक मंगलमय शुभकामना व्यक्त गर्दै श्री लडकेश्वर युवा क्लब पनौती–११ बल्थलीले आयोजना गरेको वडा स्तरीय भलिबल प्रतियोगिता तथा अन्य विविध कार्यक्रम भव्यताका साथ सम्पन्न भएको छ । फुलपातिको दिन वडा अध्यक्ष विपिन लामाले उद्घाटन गरेर शुरु गरिएको भलिबल खेल यहि कात्र्तिक ३ गते नवमिको दिन सम्पन्न गरिएको थियो । लडकेश्वर युवा क्लबले आफ्ना वडामा रहेका वृद्ध वृद्धाहरुलाई दोसल्ला ओढाई न्यानो कपडाहरु दिएर सम्मान गरी अनुकरणीय कार्य गरेको थियो । नवमिको दिन समाज तथा देशको लागि उल्लेखनीय योगदान पु¥याउँदै उच्च स्थान प्राप्त गर्नुहुने मधु आचार्य, प्रकाश थापा, निश्चल थापा, रामसुन्दर थापा दोसल्ला लगायतलाई ओढाई सम्मान पत्रले सम्मान गरिएको थियो । लडकेश्वर युवा क्लबलाई भलिबल मार्फत यो स्थानमा ल्याउनेको लागि मुख्य भूमिका खेल्ने अग्रज खेलाडीहरुलाई पनि सम्मान पत्रले सम्मान गरिएको थियो ।

                सात टिम सहभागी रहेको भलिबल प्रतियोगितामा LYC Orange King प्रथम LYC Royal Green द्वितिय तथा LYC White Lions तृतीय स्थान प्राप्त गर्न सफल भई नगद पुरस्कार सहित, कप, मेडल र प्रमाण पत्र प्राप्त गरेका थिए । प्रतियोगीतामा उत्कृष्ट खेलाडी रबिन सिदाली भएका थिए भने प्रतियोगीतामा राष्ट्रिय रेफ्रि जितेन्द श्रेष्ठ र क्षेत्रीय रेफ्रि रोहन तुसुजु रेफ्रिको रुपमा हुनुहन्थ्यो । भलिबल खेल पश्चात घैटो फुटाई र खसि उपहार चिठ्ठा कार्यक्रम पनि गरिएको थियो भने खसि उपहार अनिल गिरीले प्राप्त गरेका थिए । कार्यक्रमको सभापतित्व क्लबका अध्यक्ष रोसन अर्यालले गरेका थिए भने कार्यक्रम संचालन रामेश्वर आचार्य ‘सागर’ ले गरेका थिए ।