काभ्रेपलाञ्चोक जिल्लाका ३ लाख ३ हजार ५ सय ६० मतदाताले मतदान गर्न पाउने भएका छन् । निर्वाचन आयोगका अनुसार १ लाख ५४ हजार १ सय ८३ पुरुष, १ लाख ४९हजार ३ सय ७५ महिला मतदाता संख्याले मतदान गर्न पाउने छन् र अन्य दुई जनाले मतदान गर्न सक्ने छन् । काभ्रेमा १ सय ८९ मतदान स्थल, ३ सय ८१ मतदान केन्द्र कायम भएको निर्वाचन कार्यालय धुलिखेलले जनाएको छ ।
सबै भन्दा बढि पनौती नगरपालिकामा ३८ हजार १ सय ४५ मतदाता छन् भने सवैभन्दा कम मतदाता खानीखोला गाउँपालिकामा १० हजार ३ सय ९ मतदाता रहेका छन् । त्यस्तै गरी बनेपामा ३७ हजार ५ सय ८१, पाँचखाल नगरपालिकामा २९ हजार ६ सय ९७, धुलिखेल नगरपालिकामा २५ हजार ५ सय ८ मतदाता छन् । नमोबुद्ध नगरपालिकामा २५ हजार ९ सय ५२ मतदाता रहेका छन् । रोशी गाउँपालिकामा २२ हजार ५ सय ४३, चौरीदेउराली गाउँपालिकामा २० हजार १ सय ९१ , तेमाल गाउँपालिकामा २१ हजार १ सय ८ मतदाता रहेका छन् । त्यसैगरी बेथानचोक गाउँपालिकामा १४ हजार ५ सय ५१, भुम्लु गाउँपालिकामा १७ हजार २४ र महाभारत गाउँपालिकामा १२ हजार ४ सय २० मतदाता रहेका छन् ।