धुलिखेल, सभामुख अग्नी सापकोटालाई कालो झण्डा देखाउँदै नेकपा एमालेका भातृ संगठनका नेताहरु घाइते भएका छन् । एमालेले कारबाही गरेका सांसदहरुलाई पदमुक्त, एमसीसी खारेजी लगायतका विषयहरुलाई मागको रुप लिएर अनेरास्ववियु काभ्रेले सभामुख अग्नी सापकोटालाई कालो झण्डा देखाएका हुन् । विहिबार काभ्रेको धुलिखेलमा आयोजीत एक कार्यक्रमबाट काठमाण्डौ फर्कदै गरेको अवस्थामा अरनिको राजमार्ग धुलिखेलमा विद्यार्थीहरुले प्रदर्शन सहित कालो झण्डा देखाएका हुन् । कालो झण्डा देखाउने क्रममा धुलिखेल नगरपालिका वडा नं. ११ का वडा अध्यक्ष विष्णु काभ्रेली, अनेरास्ववियु काभ्रेका इन्चार्ज शालिकराम पराजुली, सचिव मिलन गौतम र उपसचिव युवराज दाहाल घाइते भएका थिए । घाइतेहरुको धुलिखेल अस्प्तालमा सामान्य उपचार पछि घर फर्केको जनाएको छ ।