सर्वोच्च अदालतले गणेश लामालाई सम्पत्ति शुद्धिकरणको आरोपबाट सफाइ दिएको छ । उनलाई २४ साउन २०७५ मा विशेष अदालतले दोषी ठहर गरेको थियो । सर्वोच्चले दावी नपुग्ने भन्दै लामालाई आरोपबाट मुक्त गराएको हो । ९ असार, काठमाडौं । सर्वोच्च अदालतले गणेश लामालाई सम्पत्ति शुद्धीकरणको आरोपमा सफाइ दिएको छ । विशेष अदालतको फैसला उल्ट्याउदै सर्वोच्च अदालतले लामालाई आरोपबाट सफाइ दिएको हो । लामा २४ साउन, २०७५ मा विशेष अदालतबाट दोषी ठहर भएका थिए । उनलाई त्यतिबेला एक करोड ४० लाख विगो र एक वर्ष कैद सजाय तोकेको थियो । सर्वोच्च अदालतले दावी नपुग्ने भन्दै सफाइ दिएको हो । लामामाथि जेठ, २०७० मा २७ करोड रुपैयाँ गैरकानुनी आर्जन गरेको भनी सम्पत्ति शुद्धीकरणको मुद्दा चलेको थियो ।