आउँदिनँ बा !  कुनै पनि कुसे औँसीमा तिम्रो मुख हेर्न अब आउँदिनँ  किनकि – मैले पनि त देखाइनँ नि मेरो अन्तिम क्षणमा तिमीलाई मेरो मुख हेर त – सदगत गर्न समेत  कुशको शव बनाउनु प¥यो है बा ! आउँदिनँ माया !  कुनै पनि तीजहरूमा मेरै हातको पानी पिलाएर मेरै आयुका लागि तिमीले बस्ने निराहार ब्रत तोडाउन  अब आउँदिनँ किनकि – तिमीलाई पनि त दिइनँ नि मौका एक चम्चा पानी पिलाउन मेरो अन्तिम क्षणमा  हिरण्य जल चढाउन मेरो पार्थिव शरिरमा हेर त – भोटेकोशीको धमिलो पानीले  कस्तरी अघाएछु म है माया ! आउँदिनँ छोरा !  कुनै पनि दशैँहरूमा  नयाँ नाना र चङ्गा अनि लट्टाई लिएर काखमा राखी राखी लिङ्गेपिङ खेलाउन अब आउँदिनँ  किनकि – तिमीलाई पनि कहाँ दिएँ र औसर मेरो अरथी वरिपरि फन्का मारेर  एक थुङ्गो फूल चढाउन हेर त –  निठुरी बाबाले कस्तरी झुक्याएको  है छोरा !  के गरूँ त ? बालुवाको भूपटलमुनि  मस्त निदाएँ म  कहिल्यै नबिउँझिने गरी  थाकेँ नि त ! आकाशै खसेर थिचेपछि न ठाउँ पाएँ न समय उम्किनलाई  भएभरको शक्ति लगाएँ सकेभरको संघर्ष चलाएँ  अहँ लागेन, पार लाग्दै लागेन भोटेकोशीसँग पो थियो त चिनजान त्रिशुलीसँग पो थियो त मेलमिलाप अर्कै बबण्डर आयो, अनि ? उनीहरू त मरे ! हो त नि, उछिट्टिएर मरे उनीहरू पनि भोटेकोशी पनि म¥यो त्रिशुली पनि म¥यो उनीहरूसँगै म पनि मरेँ  म सँगै हज्जारौँ मरे हज्जारौँ सँगै लाखौँ मरे मरिरहेछन्.. मरिरहेछन्...मरिरहेछन्  तिमीहरू त बाँच्नू ल !  बाँच्नुपर्छ तिमीहरू – जलवायु बिगार्नेहरूसँग मेरो र हाम्रो मरणको  हिसाबकिताब माग्नलाई  तिमीहरू बाँच्नुपर्छ ! लेदो, बालुवा र गेगरले थिचेर, पुरेर, भित्रभित्रै दबाएर हामीले भन्नै नपाएका  हाम्रा भोगाइका कथाहरू लेख्नलाई तिमीहरू बाँच्नुपर्छ ! त्रिशुलीको बगरमा पुरिएका  सपनाहरू खोतल्नलाई  तिमीहरू बाँच्नुपर्छ ! फेरि पल्टिए भने लाङटाङ लिरूङहरू फेरि बौलाए भने ल्हेन्दे, भोटेकोशीहरू निदाउँदा पनि बिउँझिइरहने जनचेतना जगाउनलाई तिमीहरू बाँच्नुपर्छ ! धन्न, धन्न बाँचेका छौ बाँच्नुपर्छ तिमीहरू ! जागा होस् वा निर्जीव  एक झल्को अनुहार कुरिरहेका मेरा र मजस्तै हजारौँका बाहरू, माया र छोराछोरीहरू, तिमीहरू नरोइकन बस है ! नत्र फेरि – झनझन् टाढा पु¥याउनेछ   आँसुको बाढीले हाम्रो आत्मालाई अझै बगाएर पीडालाई शक्तिमा बदल्नू ल ! तिमीहरू त हाँस्नू ल ! तिमीहरू त बाँच्नू ल ! नरूने कसम खान्छौ भने तिमीहरू एउटा कसम खान्छु म पनि  आउँछु, कसम आउँछु हरेक साल कुसे औँसीमा  तिजहरूमा, दशैँहरूमा तिमीहरूसामु आउँछु अमिट याद बनेर ..