सानो सानो मान्छे छु म ठूलो कुरा छ मेरो । हजुरबाको काखमा बस्छु बसेजस्तै चमेरो ।।   म त घरि खेल्न जान्छु घरि पढ्न जान्छु म। हजुरबालाई साथै लान्छु भनेको नि मान्छु म ।।   सायशा हो मेरो नाम सानी, सानी छु के म। हजुरबाले भन्नुहुन्छ  साह्रै ज्ञानी छु रे म ।।   मेरा बाबा–आमा मलाई साह्रै माया गर्नुहुन्छ । म नि धेरै ज्ञानी छु रे हजुरबाले भन्नुहुन्छ ।।   हजुर आमा मलाई देख्ता खुबै धेरै हाँस्नुहुन्छ । दुःखदर्द बिर्सिएर सधैँजसो नाच्नुहुन्छ ।।